ప్రాజెక్ట్-K సినిమా నుంచి స్టోరి లైన్ లీక్.. కథ ఏంటంటే..?

దిశ, వెబ్‌డెస్క్: పాన్ ఇండియా స్టార్ ప్రభాస్ హీరోగా.. నాగ్ అశ్విన్ దర్శకత్వంలో తెరకెక్కుతున్న సినిమా ‘ప్రాజెక్ట్-K’. అత్యంత ప్రతిష్టాత్మకంగా రూపొందుతున్న ఈ మూవీలో దీపికా పదుకొనే హీరోయిన్‌గా నటిస్తుంది. ఈ సినిమా నుంచి రిలీజ్ అయిన ఫస్ట్ లుక్, పోస్టర్ సినిమాపై భారీ అంచనాలు పెంచేసాయి. ఇదిలా ఉంటే... ఈ సినిమా నుంచి స్టోరి లైక్ లీక్ అయిందని సోషల్ మీడియాలో వార్తలు వైరల్ అవుతున్నాయి.

ఈ మేరకు.. ఫిల్మ్ సర్కిల్స్ నుంచి అందుతున్న సమాచారం ప్రకారం.. ‘ప్రాజెక్ట్-K’ సినిమా సైన్స్ ఫిక్షన్ మూవీ. ఈ చిత్రం రెండు భాగాలుగా రిలీజ్ కానుంది. ఈ సినిమా మొదటి భాగంలో ప్రభాస్.. కమల్ హాసన్‌తో పోరాడేందుకు భవిష్యత్తులోకి అంటే 2600 సంవత్సరంలోకి ప్రయాణిస్తాడట. అందుకు దారి తీసే పరిస్థితులు.. ఆ కాలంలోకి ప్రయాణించేందుకు ప్రభాస్ సిద్ధం కావడంతో మొదటి భాగం ముగుస్తుందట. రెండవ పార్ట్ మొత్తం ప్రభాస్ ఇంకా కమల్ మధ్యలో సాగనున్నట్లు సమాచారం. మరి ఈ వార్తల్లో ఎంత వరకు నిజం ఉందో తెలియదు కానీ, స్టోరి మాత్రం చాలా ఇన్‌ట్రెస్టింగ్‌గా ఉంది. కాగా.. ‘ప్రాజెక్ట్-K’ సినిమా షూటింగ్ ఇప్పటికే 70 శాతం పూర్తి అయింది.

Read More: నిద్రమత్తులో బోల్డ్ క్యారెక్టర్స్ ఒప్పుకున్న నటి.. ఆ తర్వాతే కెరీర్ మారిపోయిందట